امثال سورية وكل واحد يقول شو بيستخدم منها

1- خذ الاصيلة ونام على الحصيرة

2- يللي بيجرب المجّرب بيكون عئلو مخّرب

3-طول عمرك يا تينة مجعلكة

4-الحية آلت للدودة تضربي على هالآمة الممدودة

5- يآخد الارد على مالو بيروح المال بيصفى الارد على حالو

6-طب الجرة على تما بتطلع البنت لاما

7- عند ملي البطون نايم انطون وعند جلي الصحون نادوا لانطون

8- دق القرفة ولا صباح السلفة

9-كومة حجار ولا هالجار

10-متل السيل بيغدر بالنهار والليل

11-شو ماطبخت العمشى جوزا بتعشى

12- من قلة تدابيره خلطت حنطته مع شعيره

13-طلطميس مابيعرف الجمعة من الخميس

14- لما فرقوا العقول كل واحد عجبوا عقلوا ولما وزعوا الارزاق ماحدا عجبه رزقوا

15- يللي بيلاعب الاط بدوا يتحمل خرميشوا



16-بعدماكانت خادمة صارت في البيت حاكمة



17- مثل الاردة وشاكلة براسها وردة

18-ارعة ومشطها نص ذراع

19- آل ليه غيرانة وحيرانة وعيونو جوا غطسانة

20-قال خطبوها تعززت تركوها تندمت

--------------

بكرة بيدوب الثلج ويبان المرج

------------------

والله يا رشا انا بنسبة لقصتي ولسبب دخلتي علمنتدى وتسجيلي بؤل انو هلمتل احسن شي لوضعي ## ال بكرا بدوب تلج وببان المرج ## شكرا علمتل لزالك ساعدوني بربكن للاقي اسماء ونضل ندعيلكن طول العمر يلي بدو يساعدني مشان اعطي المواصفات اسما يمكن تكون بتدرس مع شي حدا منكن

والله الواحد بيستخدم كل وحدة منها لأنو كل وحدة ألها لزومبس والله في كتير ما بعرفون شكرأً الك