رابطة محبي الدكتورة رهف السمان

نسيت ان اذكر ان الدكتورة رهف هي دكتورة اللغة الانكليزية في كلية الاقتصاد جامعة دمشق

بصراحة انا مابعرفها للدكتورة رهف بس بسمع عنها
لانو ما عم تدرس سنة اولى
بس أنا معكن

و الله معك حق يا مديرنا
الدكتورة رهف من القلال جدا يللي بيخلصوا باعطاءهم
و قدرت تكسب حب الجميع يعني كتير من الدكاترة بيفرضوا الهدوء بالقاعة
من خلال عصبيتهم و بهادلهم
بس هي فرضة الاحترام من خلال بسمتها
من خلال تواضعها
من خلال احترامها لكل الطلاب و انا اول المنضمين

اسال الله العظيم
ان ييسر الك امرك يا دكتورتنا الغالية
لانو عنجد انت شي نادر بهالزمان
و بتمنى من دكاترتنا الكبار
يجوا يحضروا شي محاضرة عند الدكتورة رهف
عسى ان يصير عندهن شوي خبرة متلها
و انا اكيد ضمن الرابطة

مشكور كتير مديرنا الغالي على هاللفتة يللي عنجد حلوة
يعني نحنا لازم نشكر اصحاب الفضل
و ما بظن بكليتنا في حدا صاحب فضل متل الدكتورة رهف
الله يحميها
و انا سجلوا اسمي ضمن الرابطة

انا مو من كلية الاقتصاد
لكني اعرف الدكتورة
و اعرف اسلوبها الرائع
لذا لن اترك الفرصة لكي انضم لرابطة محبيها

عنجد فكرة كتير حلوة
و انا كتير بحترم تقديرك اادكاترة
حضرة المدير
مشكور على الفكرة

رهف السمان مو دكتورة

كل واحد الو رأي
انا ما بطيقا

يعني ما في وحدة بتحترم الأخلاق وبتحترم انو في شباب وبنات
بتوفت عالمحاضرة بتقول يلا حاجة تأفيل!!!!!!
لأ وهديك السنة بتحط مقطع عجهاز الاسقاط من فلم ذا سيكرت اللي صرعت الدنيا في وما جابت منو شي بالفحص
المقطع كان في مناظر لا أخلاقية

بقى انتو مخربطين فيها يمكن للأنسة رهف

الحقيقة انا كنت بالمحاضرة اللي حطت فيها مقطع الفلم وعن جد كان في مناظر مو منيحة
وبعتقد كان المسرح مليان وقتاها
وهي عن جد مو دكتورة هي انسة
وانا يصراحة ما كتير بتهمني لأنو ما كتير بحضرلها

والحمدلله رفعت الانكليزي من المحاضرات
.....شكراً
..........jokeer Suspect

انا بحترم الدكتورة رهف مع اني لغتي فرنسي
لاني حضرت عندها اكتر من محاضرة
الطلاب بيحبوها لانها قريبة منن

..انا صعي ما بحضر شي بالكلية بس حضرت محاضرة وحدة تبع الفيلم..
..ما بتعطي شي من الكتاب عطونا يا"للكتاب" او بالاحرى شتريتو لاتصور جنبو واخر شي اعطي لامي تمسح في البلور..؟!!
..تاني شغلة شايفة حالها ."بالفصل الاول بتعطينا قصة عن حياتها والله الدكاترة ما عملوها"
..الفصل التاني بتنتقم منا سمعت انو صارت تسئل الطلاب وتساوي عكس ما بدون..
..وامتحان الفصل التاني 15 سؤال من قاعدة ما عطتها...
.........بس بدي اعرف ع شو بتحبوها ....
.....شكراً
..............jokeer :suspect:

أنا من أكثر الناس تأثراً بهذه الإنسانة فهي فعلاً تستحق كل الإحترام والتقدير أنا أرى أنها صنعت مايعجز عنر الرجال ببتسامة بسيطة .. فعلاً أسلوب مميز

أنا من أوائل النمضمين ...

شكراً لك أخي الكريم Admin موضوع نادر وجميل جداً ...

هلا بلكبيررررررر proooooooo

خيي Majd
شكلك عنجد مسلطن
بس انت كتير بتفرق معك انو دكتورة او لأ
أنا رأيي ما تفرق معك
مو بشي بس مع الوقت إذا حدا بدو يلقبك اكيد ما رح يقلك دكتور
ف لا تفكرها مسبة
بس مجرد رأي
على كل حال انا بحترما لهي الدكتورة
يمكن لإنو عندا شي غير يلي نحنا متعودين عليه
بس يمكن نحنا بس نحس في شي جديد منخاف و بيصير بدنا نسب و ننقد
بعدين خيي فيلم the secret مليان افكار حضرتك ما شفت فيه الا الشي اللا اخلاقي
طيب مو يمكن كل واحد بيدور على يلي بدو ياه
مع اني بشك انك طالب بس بتمنى نحترم الناس يلي بيسمعونا شي شوي
اوكي
يالله سلطن حبيب
هوي ابو وديع اخلاقي اكتر من the secret

انا مسلطن هدا الشي ما بيخصك
عم تقلي رأيك وانا ما بيهني اعرفو
فكرتا مسبة ...سب على راحتك
امتى هية عطتك لحتا تعرفا او تحترما
انا وقت حكيت عالفلم حكيت انو من كل هالفلم ما نابنا شي نحن اللي كنا عم ناخد عندا
وقدد ما كان منظل دينا اسلام وما بيرضى بهشي انا ما عم احكي لأني متدين
لاحظ انا ما عم دور عشي لأنو موضوع انكتب وانا حطيت رأيي ما انا اللي كتبته
بتشك اني طالب انا بشك انك بني أدم
ابو وديع ما عم يمسنا بشي ولا الو علاقا بجماعتنا او فحوصنا بقا يكون شو ما بدو يكون


سلام يا رابعة بس ما قلتلنا اختصاصك
:lol:

لك طيب مش مشكلة
رح نبلش من الاخر
انا طالب سنة رابعة قسم اقتصاد و طلعت السنة الماضية بعثة على مصر على حساب الكلية يعني ما عم احكي كطالب فاشل و متمسك بآرائي بس مشان فرجي الناس اني زلمة
ليك ما بنصحك تختص هيك لإنو صعب عليك انا متأكد
هلأ الدكتورة رهف درستنا بالسنة التانية و نحنا حضرنا الفيلم متلكن لك و انا قرأت الكتاب بس بتصدق شغلة
لك مبارح قعدت شي أربع ساعات عم عيد و كر بالفيلم و عم دور على المقطع يلي حكيت عنو لك و لقيتو بس يخزي العين شو شديد ملاحظة
هلأ مين خبرك انو نحنا اسلام بتمنى ما تجيب هي السيرة عالموقع مشان ما نقلبا طائفية و نسكر كل الموقع
انا مسلم متلك بس مو هيك بتتعالج الامور
شو يعني اذا مسلمين مندفن راسنا بالرمل و ما منشوف شي
المشكلة انو الله قللنا نغض البصر عن المعاصي بس نحنا صرنا عم نغض البصر عن التطور و الحضارة و كل شي يعني
بعدين حبيبي هي الدكتورة عم تجرب تطوركن
تخبركن شو في برات الحيطان
هلأ ما في داعي تشك اني بني آدم لإنو مدام عم اكتب عالكيبورد معناها بني آدم :D
بس عنجد انا متفاجئ انو نحنا وصلنا لهالدرجة بالمحدودية
هلأ ابو وديع ما بيمسنا بشي بس هوي محشش و بيتعاطى كل شي بس الفيلم بيمسنا اكتر لإنو معبا افكار بس فيه مشهد مو أخلاقي
ليك خليك مسلطن بس لما تصحا بتمنى ما تلاقي حالك آخر واحد بالبشرية
و لا قلك بس تكبر بتعرف اوكي بابا
يالله باي عمو :lol:

كهكهكهكهكهكهكهكهكه :flower:

إي عنجد شي بيضحك
يمكن لما كنت عم تضحك كنت شايف حالك بشاشة الكمبيوتر ;)

يا شباب ؟
مو هيك عهدنا بطلاب جامعتنا ؟
و خاصة اعضاء منتدانا الغالي
يللي بنعرفوا و يللي بناملو هو انو نكون هو موجودين
حتى نساعد بعض و نحترم بعض
مو نضرب على بعض
الحوار اساسو اللطف يللي لا شك انو من احد صفاتكن
اما بالنسبة لاراءكم بالدكتورة
فهاد شي بيعود لكل شخص منكن
بس بتمنى ابداء الاراء دون تجريح

اهلييييين والله طولت الغيبة
معلم انا رديت بس ندمت ترا لأنو شي ما منو فايدة بس ما عد رديت بعدا
على كل حال اذا ازعجتك او ازعجت المنتدى انا اسف

طيب ماشي
مش مشكلة

مش مشكلة مبروك عليك الصورة الجديدة
و احسنت الاختيار

حبيبنا
مقدمة
ليك اذا بدك في متلها كتير عطيني شي عنوان لأبعتلك
لك هي فيروز الملكة