شو رايكن بعيد الحب ؟؟؟

قال سيدي و سيد العالمين محمد صلى الله عليه و سلم :
(لتتبعن سنن من كان قبلكم شبر شبر وذراع بذراع حتى لو دخلوا جحر ظب تبعتموهم
و ليس عد قول الرسول قول
هذا النبي العظيم الذي جاء ليعطي امتنا خواص تنفرد بها
لتكون هي الرائدة و هي التي تتبعها الامم
نحن شوهنا صورة هذه الامة العظيمة و انجررنا و راء الغرب نلهث خلفه و نطلب منه كل ما نريد
ناخذ عنه سوء عاداته ( و المفارقة ) اننا لا ناخذ اجابياته
ناخذ منهم الفسق و المجون و الليالي الحمراء
و الفالانتاين و اغيرها
و نترك دقة مواعيدهم و احترامهم للعمل و تقديرهم للانجاز
انا طبعا ضد ما يسمى عيد الحب
ضده حتى اموووت
و لك الله يا امتي

أنا ما بيعنيلي شي
بس ما بحب عمليات الاستغلال يلي بتصير فيه من قبل المحلات التجارية و من الشباب و الصبايا لبعضهن
كفكرة المفروض يكون شي حلو بس عم يتطبق بطريقة غلط
اصلا انا مش مع انو نربط المشاعر بيوم ،الاحسن نوزعها على كل السنة
بغض النظر تقليد او مو تقليد ما نحنا عم نستورد كل شي من الغرب يعني عندنا نقص معين او فارق تطور بس الفكرة انو نفكر اذا كان هاد الشي مفيد او عم يتطبق بطريقة صح
يعني متل فكرة استيراد باص من اوروبا الافضل يكون صديق للبيئة و على قياس شوارعنا يعني مطلوب من الاستيراد انو نوسع افقنا مو ننصب على بعض
و بكرر أنا شخصيا ما بيعنيلي شي

صقر المنتدى - مش مشكلة
شكرا كتير على اراءكم
و اكيد انا بايدك اخي صقر
بكل كلمة انت قلتها
اما اخي مش مشكلة
نحنا شباب الامة يعني لازم ما نكون على الحياد و نقول انو ما بيعنيلنا شي
اي امر بيظهر اما فيه خير او شر
اذا كان خير لازم وواجب علينا انو نكون معو بكل قوتنا
و اذا كان في شر و خطر على الامة و ثقافتها لازم نواجهوا
لانو نحنا شباب يعربي و مسلم
يعني ما بيصير نكون امعة
ارجو المزيد من الاراء

و الله يا مديرنا أنا مو عالحياد
أنا عم اشتغل على شي يطورنا و يطالعنا من الكرة يلي نحنا فيها
رح ذكرك انو بمرحلة معينة كنا نحنا حاكمين العالم و عممنا أفكارنا
بعدين لا تربط العربي بالمسلم أنا مو معك بهي الناحية
لا تربط القومية بالإيديولوجة الفردية
طيب مو ملاحظين انكن متمسكين بالمؤامؤة كتير
بس بمواضيع تافهة للأسف
ما في حدا بدو يستهدف حضارتنا
و بنفس الوقت لازم نطور تفكيرنا مشان ما نستهلك حالنا عالآخر
المؤامؤة الموجودة هيي اقتصادية و سياسية و عسكرية و بس
هي المواضيع ما بتأثر
مرحلة معينة و بتمر بعمر الشباب
و رح قلك أكتر من هيك
الخير و الشر نسبي مو انت و لا انا منحددو و انا عربي و بفتخر بهي القومية و بخدمها و سبق و خبرتكن انو انا طالب متفوق و بتصور هاد دوري بخدمة هي القومية مو شعارات و رفض المظاهر و اهمال الجوهر
لحد هلأ ما لقيت موضوع جوهري عم يتناقش كلو بالشكل و بالتصرفات العرضية

انا بحترم رايك شو ما كان
و هاد حقك و حقك تقول يللي بدك ياه
يا اخي الغالي نظرية المؤامرة يمكن كتير بيدعي انو مو موجودة
بس اذا بدك تتاكد بنصحك تتطلع على يلللي بينكتب بالصحف االغربية و الاجنبية و الاسرائيلية و قتها بتعرف شو يعني مؤامرة
اذا نحنا كتير طيبين و مفكرين كل الناس هيك متلنا هي مشكلتنا
بس الغرب غير هيك
هنن بيهمهم هالارض و هالثقافة و الحضارة يللي عنا ما تظهر و تنمحي من الوجود
انا من شي شهر كنت عم قلب بين القنوات و لا شفت محطة اجنبية اسمها ام تي في ارابيا
و كانو عم يسالو اهل الفن شو رايهن بافتتاح القسم العربي من المحطة
فكان جواب احد المخرجين
( و متل ما بنعرف المخرجين تعتبر منالفئة المثقفة الفهمانة عند كتير ناس )
كان جوابوا بالحرف الواحد ( انا سعيد لان المحطة ستفسد امة اخرى )
و لا تعليق